Prezentacii: Oleg Mošnikov eziti ičeze uden runogomusen
25.04.2022
Karjalan rahvahaližes kirjištos mäni Oleg Mošnikovan uden ”Листья на ветру”-runokogomusen prezentacii.
Karjalan rahvahaližes kirjištos kerazihe runotusen navedijad, miše ozatelda Oleg Mošniovad uden kirjan lähtendanke. 12+. Foto: Karjalan rahvahaližes kirjišton arhivaspäi
Tetab Karjalan runoilii Oleg Mošnikov eziti ičeze uden viden runokogomusen ”Листья на ветру”-nimenke Karjalan rahvahaližes kirjištos. Azjtego mäni ”Olem ühtes”-festivalin aigan, miččen pätegendan om abutada toine toižele. Runokogomusehe mülüiba runoilijan uded da ei völ pandud edel radod.
— Kirjutades runoid kogomusen täht minä muštlin ičein laps’aigan ozakahid tundmusid, vanhembid, ičein noren aigad. Kogomuses om ezitadud vepsläižiden runoilijoiden kändmižed-ki. Jogahine voib löuta midä-se ičeze täht, sanub kogomusen tegii, runoilii Oleg Mošnikov.
”Листья на ветру”-runokogomuz mäni eloho Rahvahaližen da regionaližen politikan ministerstvan raha-abul ”Periodika”-paindištos. Kogomusen tiraž om 500 kirjad.
LIŽIÄ AIHIES
