Talvikuun 23. päivänä Petroskoissa pietäh Pikkujoulu-illaččuo. Šen järještäjät ollah folklori-etnografisen Karjala-yhtyvehen, karjalaisen Oma pajo -kanšankuoron ta karjalaisen Čičiliušku-kanšanteatterin artistat.
– Myö piättimä järještyä šemmosen tanšši- ta lauluillačun Uuvven Vuuvven kynnykšellä, jotta ihmiset oltais hyvällä mielellä. “Karjala” on illačun kuninkaš ta še rupieu tanššimah, Čičiliušku-teatterissa kuklatki ošatah tanššie ta neki tullah pläššimäh, ta laulamah meitä varoin rupieu Oma pajo -kuoro, šelitti Čičiliušku-teatterin ohjuaja Natalja Golubovskaja.
Niise järještäjät koroššetah, jotta illačušša järješšetäh kilpailuja, pietäh arpajaisie šekä šielä šuau oštua čäijyö ta kalittoja. Tulkua vesseläšti viettämäh aikua Maski-hotellih (Karl Marksin katu, 3A) kello 19.00.