Piäšy Sampo-vuaralla tuli makšullisekši
Onegarannan piirissä oli Sampo-vuara on auki kunnoštamistöijen jälkeh. Paikka on oikein šuosittu turistien kešen. Jotta šuojella luontuo šielä ta jotta piäšy vuaralla olis turvallisemmakši oli rakennettu puisie šiltasie ta rautaset rappuset. Vielä yhtenä uuvvissukšena on makšu piäšyštä vuaralla.
— Tavallini lippu makšau 250 rupl’ua. Alennuš on 7—17 vuotisilla lapšilla, monilapšisilla perehillä, Karjalašša eläjillä ihmisillä, eläkeläisillä. Makšutta voipi tulla alla 6-vuotiset lapšet, Onegarannan piirin eläjät, orpolapšet ta invalidit, šotaveteranit ta šotilašoperatijon ošallistujat, ilmotettih Sampo-etnopuiston ruatajat.
Tänä vuotena paikalla rakennettih rappuset huippuh šuaten ta puiset šiltaset. Niise ašennetah Kalevala-eepossan šankarien vieššokšet, jotta vierahat tiijettäis mintäh vuaralla on šemmoni nimi ta mi on Kalevala-eepossa. Sampo-vuaralla piäšy on auki joka päivä kello 10—18. Vuara on Onegarannan piirissä, 37 kilometrissa Petroskoista. Šieltä avautuu upea näköala Kentjärvellä.
Aihiešta voit lukie niise šuomekši.
