Petroskois pietäh Karjalazien X kerähmö
Karjalazien X kerähmö pietäh kahten päivän aloh, 20.—21. syvyskuudu PiterInn-hotelis Petroskois. Kerähmöh tulou 66 deleguattua kogo Karjalaspäi, kaikkiedah tulou lähes 150 hengie Petroskois, Karjalan piirilöispäi da Tverin alovehelpäi.
Kerähmös šeikuijah moizii karjalazile tärgielöi kyzymyksii, kui karjalazien ekonoumizen, sotsiuallizen da etnokul’tuurizen kehittämizen kannatus Karjalan tazavallan halličuksen puoles, karjalan kielen da kul’tuuran tila tänäpäi, karjalazen perehen merkičys nyhyaigazes muailmas.
— Karjalazet šeikuijah, muittumas tilas ollah tänäpäi karjalazien perindöllizet eländykohtat da kui niilöls eläjät säilytetäh omii perindöllizii ruadoloi da opastetah niilöih nuordu sugupolvie, sanou Kerähmön deleguattu, Karjalan Rahvahan Liiton johtokundah kuului Valentina Mironova.
Karjalazien IX kerähmön vallittuloin nevvoston johtai Raisa Samodajeva sanelou Nevvoston ruavos. Kerähmös vallitahgi Karjalazien X kerähmön vallittuloin nevvoston uuzi johtai da Nevvostoh kuulujat.
Kerähmön ruado algavuu 10.00 aigah Pietari-zualas. 12+
