Petroskoin hallinto hyväkšy uušien katukylttien tyyli. Kanšalaisissunnošša piätettih, mitein kylttilöissä ruvetah kirjuttamah katujen nimijä ta talojen numeroja. Kaikkien kylttien pitäy olla yhenluatusie.
– Kylttien ulkonävön pohjana on 1950-luvun taulukot. Šemmosie nytki šuau nähä Petroskoin eri ošissa: Perevalkalla, Kukonmäjellä, Zarekalla ta keškuštašša, ilmottau Petroskoin hallinto.
Uušien šiäntöjen mukah ei šua panna mainošta ta toisie liikoja tietoja ošoitehmerkin lähella. Niise on tärkie, jotta taulukot kiännetäh karjalakši.
Kyltit ašetetah talojen, järještöjen, laitokšien ulkošeinih. Miäräyš on voimašša tämän vuuvven šyyškuušta alkuan. Šitä ennein taloilla olluot kyltit pitäy kunnoštua uušien šiäntöjen mukah.