Petroskoilaine Tuari pajattau loittozes Surgutas
Karjalan Tuari-etnojoukko yhtyy Surgutas 18. ligakuudu piettävih Suomelas-ugrilazien kul’tuuroin päivih.
— Net ollah meijän enzimäzet gastroulit ei vaigu Siberih, ga Urualan tuakse. Vuotammo sidä matkua, tahtommo ozuttua meijän rahvahan kul’tuurua da kaččuo Siberin kandurahvahien perindölöi. Pivon programmas on meijän konsertu da luvendo, kuduan aigah Tuari-joukkoh kuului perindöllizien muuzikkusoittimien luadii Vitalii Tselob’onok pidäy ruadopajan, sanoi Oma Mediale etnojoukon solistu Darja Toivonen.
Suomelas-ugrilazien kul’tuuroin päivät -pivon aigah ozutetah, kui luajitah niittii elättilöin nivelis, čomendetah perindöllizii ruuttii biiserukirjoil, luajitah perindöllisty rannehrengastu. Pivos ozutetah ob’-ugrilazien kanzoin perindöllizii kižoi, tuttavutetah suomelas-ugrilazien miifoin urholoih.
Pivon aigah pietäh etno-kviz, kuduan voittajii palkitan pivon salbuajazis.
Aihies voit lugie ven'aksegi.
