Petroskoiš tehtas “Kiži”-saren radnikan 3D-model’
Karjalan pälidnas vaumitas avatar, mitte ezitab Karjalad Rahvahan elomišton sabustusiden ozutelusel (VDNH). Avataral linneb “Kiži”-saren radnikan mod.
Avataral, mitte ezitab Moskvas Karjalad, linneb Aino-nimi da kändajan, kargnikan, tundištoitajan, “Kiži”-saren radnikan Marina Noženkon irdnägo.
— Nece oli varastamatoi tarjoičuz minun täht. Nügüd’ om jo tehtud minun fotoid. Oli jügedahk muhata da ühten-žo aigan punotas ümbri ičesain, sanub Marina.
Nügüd’ kaiken aigan Marina kosketasoi projektan kuratoranke Maria Kušniranke. Edes om völ Marinan paginan änetamine, miše avatar voiži pagišta ozutelusen adivoidenke. Kut sanub Marina, necidä azjad hän ei lujas varaida, sikš ku äi kerdoid jo äneti tundištoituzmatkoid muzejan täht.
Uzištoid neciš temas voib lugeda mugažo karjalaks da suomeks.
