Tänä vuon "Periodika" pidi žurnalistiekan kursan, kudamah yhtyttih Petroskoin universitietan opastujat. Hyö opastuttih kurjuttamah kirjutuksii da ottamah kuvii erilazis tapahtumis.
– Konzu kuulin täs kursas, kerras ellendin - tahton yhtyö, sendäh ku vie pienenny tytönny tahtoin tulla žurnalistannu. Voin sanuo, ku minun mieles kursu oli mielenkiindoine, pättävy da ellendettävy, sendäh ku meijän opastajat sellitettih kai tolkun luaduh. Myö kerras opimmo eččie aihettu da kirjuttua kirjutuksii. Vie pidi ottua kuvua, se oli ilokkahasti. Tahtozin sanuo suuret passibot "Periodikale", sendäh ku se andoi minule moizen mahton, sanelou meille Petroskoin universitietan opastui Angelina Dorožko.
Tulien vuon "Periodika" uskaldi pidiä kursua ielleh. Opastujat ihastuttih da sanottih, ku tahtotah jatkua opastundua.