Perindöllizii ruuttii ozutetah Priäžäs
Priäžän kyläs 4. kezäkuudu pietäh ”Kanzallizen kost’uman päiviä”. Kaikkii, kedä kiinnostau tämä aihe, kučutah entokul’tuurizeh Elämä-keskukseh 16.00 čuasun aigah.
— Se on mahto mustoittua kaikile, kui tärgei on kunnivoija kul’tuuristu perindyö. Kučummo rahvastu čukeldumah erinomazeh ilmah: myö avuammo ozuttelun ”Konzu muamo oli nuori”, kerdoi Oma Mediale Tatjana Seppänen, Elämä-keskuksen piälikkö.
Ozuttelus suau nähtä fotokuvii, kuulta kerdomuksii ruuttih nähte, kudamii piettih piäl XX vuozisual rodivunnuot da kazvanuot. Pivos kuuluu kanzallizii pajoloi karjalan kielel da vahnemban polven rakkahii sävelmii — moizii, kudamien myödäh tansittih da piettih iluo enne.
Priäžäläzet omal pivol kannatetah Karjalazien X kerähmön vallittuloin nevvoston kehoitustu — pidiä Karjalan tazavallan päiväkse Rahvahan ruuttien päiviä.
Yhty Oman Median kanualah MAX:as!
