“Pajata, ma!”: vepsläižiš küliš mäneba kezapraznikad

Täl vodel praznikale anttihe “Pajata, ma” -tem. 6+ Kuva: Galina Baburova

Vidlas “Elonpu” -vepsän kul’turan praznik mäneb 13. kezakud. Täl vodel sille anttihe “Pajata, ma” -tem.

“Elonpu” -praznik tehtas erazvuiččiš vepsläižiš küliš jo läz 40 vot. No kaikid popul’arižemb niišpäi om Vidl-klüläs. Täl vodel se mäneb 13. kezakud. Praznikan tegijad toivotaba sijaližile eläjile da praznikan adivoile melentartušt programmad.

— Meil radaškandeb viž tematišt lavad: “Kargeida da pajata!”, “Mahtamei da opendamei!”, “Adivoile ihastumei!”, “Sötamei!”, “Kukirikku!”. Niil adivod voiba ühtneda erazvuiččihe interaktivižihe vändoihe, mastar’-klassoihe, mujada vepsläšt sömad, ostta muštlahjoid, sanub Vepsläižen fol’klorkeskusen pämez’ Maria Lapikova.

Ližaks praznikal linneb uden art-objektan avaidamine. A ei edahan scenalpäi radaškandeb sija, miččele anttihe nimi “Starinoičemei da ozutamei”. Sigä voib tedištada Vidlan da kaiken Podporožjen rajonan melentartuižiš sijoiš.

Uzišt neciš temas voib lugeda mugažo venäks.