Šoutjärven muzejan radnikad tegeba ajelusid lapsidennoks

Valentina Uhanova i L’ubov’ Ivanova starinoičiba lapsile vepsläižiden käzitöiš da pidiba mastar’-klassad. 0+ Kuva: Šoutjärven muzejan arhivaspäi

Tradicii tehta ajelusid školihe da lapsiden päivkodihe i pidäda sigä tematižid urokoid lapsile sündui muzejan radnikoil jo amu. Vodes muzei tegeb läz koumed mugošt ajelust. Täl vodel ezmäine urok mäni Šokšus. Sigä muzejan radnikad Valentina Uhanova i L’ubov’ Ivanova starinoičiba lapsile vepsläižiden käzitöiš da pidiba mastar’-klassad.

— Valentina da L’ubov’ tuliba urokan jäl’ghe hüviš meliš. Mö kaik toivom, miše nece oli lujas satusekaz, tarbhaine i melentartuine urok lapsiden täht, miše se toi heile uzid tedoid da mahtoid. Opendajad i kazvatajad lujas abutaba meile neniden urokoiden tegemižes, kaiken surel tahtol hökkähtuba vastatas, starinoiči muzejan pämez’ Natalja Anhimova.

Muzejan radnikad uskoba, miše mugoižiden urokoiden abul voib kaita ezitatoiden tradicijoid, äjiš miččišpäi nügüd’ jo unohtadas.