Mustomerki runonpajattajale nygöi Suojärvesgi
22.10.2021
Suojärveläzet ičeväil azetettih mustomerki oman čupun runonpajattajile Karjalazien runoloin vuvven hantuzis.
Mustomerkin avajazis Paivuzet-joukon pajattajat Marina Čaikina, L’udmila Al'okina, Svetlana Loginova da Karjalan zakonoinhyväksyndykerähmön deputuattu Tatjana Tiškova. Kuva: Jekaterina Lipatova, Suojarvskii vestnik
Uuzi mustopačas nygöi čomendau linnas olijua Suvilahten puustuo. Pruazniekkupivos Veškelyksen školan karjalan kielen opastai Oksana Serebr’annikova lugi erähii runoloi, kudamat folkloristat kirjutettih Veškelykses XIX-XX lugulois.
Mustomerkin makietan on luadinuh Suojärven muan poigu taidoilii Aleksandr Jurša.
– Runoin vuozi kuhkutti rahvastu eččimäh tieduo omamualazis tundiettulois da maltajis runonpajattajis. Joga čupul oli semmozii miehii dai naizii. Azetetut mustomerkit säilytetät tädä tieduo tulijale sugupolvele, sanou folklouran tutkii Valentina Mironova.
LIŽIÄ AIHIES
