Moskovas sai kuulla Kindahan kylän zuakkunoi
22.03.2021
Karjal yhtyi kanzoinvälizeh turistuozutteluh, kudai ei ammui piettih Moskovas. Ozuttelun aigua gost’at suadih kuulla karjalazii pajoloi da Kindahan kylän zuakkunoi.
Kanzoinväline turistuozuttelu piettih Moskovas 16.-18. kevätkuudu. Kuva on otettu Kindasovo-Vkontakte-sivulpäi.
Kindahan kyliä Moskovas eziteltih Priäžäs eläjät Julija Tolmačova da Svetlana Hrebtova. Naizet pietäh erilazii vastavuksii, festivualiloi da pruazniekkoi Karjalan kuulužas Kindahan kyläs.
– Ozuttelun aigua sanelimmo Kindahan kylän zuakkunoi, ezittelimmö karjalazii pajoloi da tansiloi, tuttavutimmo pivon gostii karjalazien perindöllizih soittimih – kandeleheh da jouhikkoh. Saimmo uuzii dovariššoi Ven’an toizis čuppuloispäi, saneli Julija Tolmačova.
Julija Tolmačova da Svetlana Hrebtova ruattih ozuttelus Skantur-turoperuattoran kel da eziteltih Grand-tur "Vs’a Karelija" -matkua.
LIŽIÄ AIHIES
