Sügüz’kus Petroskoin muzikopišt K. Raution nimel tegeb pirdatusen konkursan. Sen nimi om ”Mail’m mujutimen agjaižel”. Ühteta konkursaha voiba sebrad, školiden openikad da nored mehed, miččiden igä om 7-17 vot.
— Konkursan pätegend om siš, miše löuta lahjakahid lapsid da antta heile voimusen kehitoitta ičeze mahtoid taidehes. Sid’ parahimad pirdatused linneba ezitadud ozutelusel, sanub Natalja Janišena, Petroskoin muzikopišton radnik.
Konkursaha voib ühteta ilma maksuta. Ühtel ühtkikalpäi voib oigeta üks’ vai kaks’ töd verkpočtale. Pakičuzaig lopiše 15.sügüz’kud.
Konkurs om tehtud Karjalan valdkundan Kul’turan mitisterstvan tugele.