Kyykkärevanšši oli otettu Seligerin rannalla

Kyykkärevanšši oli otettu Seligerin rannalla

29.03.2023
Tverin alovehella, Ostaškov-kaupunkissa piettih avonaiset kyykkä-pelin kilpailut. Karjalan naisjoukko näytti niissä loistajat tulokšet.
Karjalan tašavallan kyykkä-pelin naisjoukko nošti kilpailun korokkeheh. Kuva: Žanna Tikkanen
Karjalan tašavallan kyykkä-pelin naisjoukko nošti kilpailun korokkeheh. Kuva: Žanna Tikkanen

Voimakkahimmat kyykkä-peluajat Tverin, Moskovan ta Vologdan alovehilta šekä Karjalan tašavallašta oli kučuttu avonaisih Ostaškov-kaupunkin kilpailuih. Kaikkieštah noin 40 ihmistä pelasi kyykkä-kentällä.

Kilpailut keššettih kakši päivyä: enšin oli pietty henkilökilpailut, šiitä joukkokilpailut.

— Myö enšimmäistä kertua kuččuma urheilijie toisista alovehista. Turnaukšen tašo oli tovellah korkie, šentäh kun šiih ošallistu viisi urheilumuasterie ta vielä monta urheilumuasterin ehokkahie eri kaupukniloista. Kyykkä-kilpailut voipi šanuo urheilumarafoniksi, šentäh kun ne keššettih noin 10 tuntie, šelitti Ostaškovin gorodki-pelin ošašton johtaja Aleksandr Logutov.

Henkilökilpailuih ošallistu 30 mieštä ta 8 naista. Miehien kešen voittajikši piästih Vladimir Tihomirov (Čerepovets), Jurii Krotov (Ostaškov), Aleksei Jerjomičev (Čerepovets). Naisien kešen kaikki kolme voittopaikkua šai Karjalan joukon naiset – Žanna Tikkanen (Kalevala) - kulta, Marina Lesonen (Kalevala) - hopie, Tatjana Pl’uhina (Sortavala) - pronssi.

— Meilä še oli vaikie ta tärkie voitto, šentäh kun kotikenttä on vielä lumen alla ta šemmosella talvikentällä tavallisešti on parempie tulokšie, kuin hiekkakentällä. Ostaškovissa jo ei ollun lunta, myö emmä ehtin harjotella kešäkentällä, piti heti kilpailla. Olemma oikein tyytyväisie voitošta, šano kyykkä-pelin urheilumuasterin ehokaš, Ostaškovin kilpailujen kultavoittaja Žanna Tikkanen.

Joukkokilpailuissa Karjalan naispeluajat niise šuatih kultua: TarVoi-joukko (Žanna Tikkanen ta Marina Lesonen) on enšimmäisellä paikalla, toisella – DUET-joukko (Inna Beluzina ta Tatjana Pl’uhina), kolmannella paikalla piäsi Seliger-joukko (Irina Šumailova ta Anastasija Jelisejeva).

Miešjoukkojen kešen oli lujempi taistelu ta voittajakši piäsi Lokotets-joukko (Ostaškov), toisella – Kustka (Ostaškov) ta kolmannella – Čerepovets-joukko.

Karjalan kyykkäpeluajat šanottih voittuo turnaukšešša kyykkärevanššiksi tuiskukuun Kontupohjan turnaukšešta, kumpasešša voittopaikoiksi piästih Ostaškovin kyykkä-peluajat. 


LIŽIÄ AIHIES
Karjalan Sanomat
Venäjän valtioduuma: lakiehdotus alkoholin myynnin rajoittamisesta lapsille on hyväksytty
Jotkut Venäjän alueet ovat jo rajoittaneet energiajuomien myyntiä alaikäisille, Karjala mukaan lukien.
Медиaцентр
Если не рыбак, значит не вепс – KV-show расскажет о вепсских приметах о воде
Съемки нового выпуска интернет-шоу проходили на территории урочища Чертов стул.
Karjalan Sanomat
Yli tuhat kilometriä rullalaudalla – Kaksi extreme-urheilijaa matkustaa Karjalasta Murmanskin alueelle
Aikaisemmin Artjom Vladimirov ja Sergei Bastrykin matkustivat rullalaudoilla Krasnojarskin alueella, Hakassiassa ja Tuvan tasavallassa.
Karjalan Sanomat
Kostamuksen ammattiopisto tarjoaa uusia koulutusmahdollisuuksia
Ammattiopistoon perustetaan koulutus- ja työharjoittelukeskus. Siinä opiskelijat parantavat ammatissa tarvittavia taitoja.
Karjalan Sanomat
Suorat lennot: Petroskoista pääsee taas Ingušian pääkaupunkiin
Magasiin lennetään kerran viikossa keskiviikkoisin. Ensimmäinen vuoro lentää 10. heinäkuuta.
Karjalan Sanomat
Belomorskin rahtisataman rakentaminen fokuksessa – Suunnitelmissa on perustaa 800 työpaikkaa
Belomorskin satamasta pitäisi tulla osa Vienanmeren–Itämeren kanavan kuljetus- ja logistiikkajärjestelmää.
Karjalan Sanomat
Kotkatjärvi saa uuden kulttuuritilan – Kylässä on avattu Nukkekoti-museo
Näyttelyjen lisäksi siinä järjestetään erilaisia työpajoja lapsille ja aikuisille.
Oma Media
Свет, камера, "Куки-рикку"! – В Петрозаводске проходят съемки юмористического видеожурнала
Перед съемками ребята осваивают навыки актерского мастерства. Всего будет снято шесть видеосюжетов на карельском и вепсском языках.
Karjalan Sanomat
Lukuvuosi 2024–2025: Venäjällä on alkanut korkeakoulujen yhteishaku
Ilmoittautumisaika päättyy 25. heinäkuuta. Petroskoin yliopistossa on avattu uudet opintolinjat, joilla opiskellaan kiinaa, biotekniikkaa ja dronejen ohjausta.
Karjalan Sanomat
Kuki-rikku -videoprojektin uusi kausi on alkanut – Osallistujat tutustuvat näyttelijän työhön
Videot vepsän ja karjalan kielellä näkevät päivänvalon ensi syksynä. Projektissa on mukana kuvauksiin aiemmin osallistuneita lapsia sekä uusia osallistujia.
Kirjuttauvu
Rekisteröintä
Peittošana
Hyväkšy peittošana