Karjalan piirien parahat kyykkä-peluajat tultih Petroskoih henkilökilpailuih miehien ta naisien kešen. Naiskilpailuissa oli šieččemen urheilijua ta mieškilpailuissa - kakšitoista.
— Kilpailuih tuli etuštajie Priäžän, Kalevalan, Kontupohjan, Sortavalan piirilöistä ta urheilijat Petroskoista. Naisien kešen voitti Žanna Tikkanen, toisella ta kolmannella paikalla on Natalja Žulai ta Svetlana Aksjonova. Miehien kešen voittajana on Alexandr Černok, toisekši ta kolmannekši tultih Dmitrii Paškov ta Jevgenii Karakin, selitti kilpailujen tuomari Natalja Petrova.
Näissä kilpailuissa urheilijat voitih šuaha ta tovistua oman mestaruon urheiluluokkie. Nyt Venäjän tašon kilpailuih tašavallan joukkoh otetah vain enšimmäisen ta korkiemman luokan urheilijie.
Piäštä tašavallan joukkoh enši kauvekši voipi vielä kešäkuušša, niin urheilijilla riittäy aikua valmissukšeh.