Kundle podkast vepsän rahvahan polhe
“100 Karjalan znamad” - projektan tegijad vaumičeba 100 materialad Karjalan polhe valdkundan 100-voččeks jubilejaks. Podkastoiden abul kundlijoile starinoitihe Karjalan kal’huziš: istorijas, čomiš sijoiš da tetabiš ristituiš. Uz’ podkast om omištadud vepsläižile.
— Kaik tedaba, miše Karjalas eläba suomalaiž-ugrilaižed rahvahad: karjalaižed da suomalaižed, no völ sigä eläb vähäluguine vepsän rahvaz. Ked oma vepsläižed, mitte kul’tur da istorii heil om – nece om tärged starinoita ristituile, sanuba podkastan tegijad.
Projektan lopus platuitas pastta eloho ”100 Karjalan znamad” - kirjan, mitte linneb suren lahjan Karjalan valdkundale sen eläjilpäi.
Täuz’ podkastan versii vepsän rahvahan polhe om pandud ”Valdkund” -saital. Kaik materialad voib kundelta vai lugeda. 12+
