”Kummalline Rastavu”: kilvan tulokset ilmoitettu

”Kummalline Rastavu”: kilvan tulokset ilmoitettu

20.01.2025
Kanzalline kirjasto pidi perindöllizen kilvan ”Kummalline Rastavu  2024”. Sen tulokset ilmoitettih 19. pakkaskuudu.
Kummalline Rastavu 2024 -kilbah omat ruavot työndi enämbi 500 kilbuniekkua viijes kaheksahtostu vuodessah Karjalan eri linnois da piirilöis, sego Ven’an toizil alovehilpäi. Kuva: Karjalan Kanzallizen kirjaston saitu
Kummalline Rastavu 2024 -kilbah omat ruavot työndi enämbi 500 kilbuniekkua viijes kaheksahtostu vuodessah Karjalan eri linnois da piirilöis, sego Ven’an toizil alovehilpäi. Kuva: Karjalan Kanzallizen kirjaston saitu

Karjalan tazavallan Kanzallizes kirjastos mennyt pyhänpiän ilmoitettih perindöllizen Kummalline Rastavu -kilvan tulokset.

Kilbah otettih yksinäh da perehinneh luajittuloi, sego joukolleh školis, päivykodilois da kirjastolois valmistettuloi taidoruadoloi. Kilbah omat ruavot työndi enämbi 500 kilbuniekkua viijes kaheksahtostu vuodessah Petroskois, Onieganrannikon da Anuksen piirilöis, Pitkäsrannas, Priäžäs, Kostamukses, Kondupohjas, Puudogas, Čuvašien tazavallas, Donetskan rahvahan tazavallas, Arhangelin, Kalugan, Piiterin alovehil da muijalpäi.

”Kummallistu Rastavua” piettih online-kilvannu kolmes nominatsies: ”Rastavan motiivat”,”Minun Rastavan tarinu”, ”Käilkirjutettu kirju Rastavah nähte”.

Käilkirjutettu kirju Rastavah nähte -nominatsies voittajikse piästih Puudogas eläjät Diana da Nikita Kleščenok. Nellitostuvuodehistu Dianua da kolmevuodehistu Nikitua autettih muamo Margarina da Kotkatjärvel eläibuabo Valentina Bukina.

— Meijän pereh da meijän lapset puaksuh yhtytäh kaikenmoizih kilboih. Täl kerdua piätimmö yhtes luadie kirju, kuduas olis tarin Rastavah nähte da ližäkse mieldykiinittäjiä harjaitustu, ku lapset lugijes voidas lekuttua aivoloi. Minä ruan psihoulogannu lapsienpäivykois da ellendän, ku se on hyvä da tärgei lapsen kazvattajes. Lapsien buabo autoi meidy kielen puoles, ku kirju meil on kaksikieline — ven’akse da karjalakse. Minä ičegi maltan karjalan kieldy, ga muamo aitoi meidy, kui pidäy oigieh kirjuttua karjalakse, sanoi Margarina Kleščenok Oma Media -portualale.

Kilbuniekkoi juattih eri igäjoukkoloih: net, ket vie ei kävvä školah, alaigäzet školaniekat 7—12 vuottu da 13—18 vuottu opastujat.

Kilvan järjestäjät da arvostajien joukko mielihyväl otettih vastah taidoruadoloi, kuduat kuvatah pravosluavizen da katoulizen Rastavan histouriedu da perindölöi, sego ollah kirjutettu Karjalan tazavallan kandurahvahien kielil.


LIŽIÄ AIHIES
Karjalan Sanomat
Kolme terveysasemaa peruskorjataan Segežan piirissä
Terveyslaitoksen peruskorjaustyöt ovat jo alkaneet Mustakosken taajamassa.
Karjalan Sanomat
Tempaus: Karjalan asukkaat kirjoittavat sanelun vepsän kielellä
Sanelu järjestetään helmikuun 21. päivänä. Tänä vuonna tempaus on omistettu Voiton 80-vuotispäivälle.
Kodima
Kodikelen päiv: Karjalan eläjid kuctas kirjutamha sanelust vepsän kelel
Akcii mäneb 21. uhokud “Periodika” -painišton Karjalaižiden, vepsläižiden, suomalaižiden kel’keskuses.
Karjalan Sanomat
Maailman klassikoita voi kuulla kotikaupungista poistumatta – Karjala on saanut seitsemän virtuaalista konserttisalia
Salit on avattu Kemissä, Kostamuksessa, Sortavalassa, Suojärvellä, Segežassa, Lahdenpohjassa ja Pitkärannassa.
Karjalan Sanomat
Ruskealan marmoripuiston malli esillä Venäjä-näyttelykeskuksessa
Näyttelyssä tutustuu matkailumahdollisuuksiin Venäjällä.
Oma Media
День родного языка: жителей Карелии приглашают написать диктант на вепсском языке
Просветительская акция состоится 21 февраля в Ресурсном языковом центре карелов, вепсов и финнов издательства ”Периодика”.
Oma Mua
Algavui Ven’an rahvahien perindöllizien elostuksien da kižoin kilbu
Kilbah kučutah kul’tuuran da opastuksen alan ruadajii, taidojoukkoloi, nuorižuo da yliopastujii.
Karjalan Sanomat
Puudosin piiri: koulut saadaan kuntoon Kubovossa ja Avdejevossa
Oppilaitosten peruskorjaustyöt alkavat tänä vuonna. Tähän tarkoitukseen on varattu 96 miljoonaa ruplaa.
Karjalan Sanomat
Karjalan tasavallansairaalan A- ja B-osastot avataan tänä vuonna
Sairaalan kahden rakennuksen peruskorjaustyöt on tehty liittovaltion kohdeohjelman rahatuella. Rakentajat tekevät parhaillaan LVI-asennustöitä.
Oma Mua
Jessoilan souhozua kohendetah da uvvistetah
Jessoilan souhozas kevätkuus vuvvennu 2025 alletah lehmytahnuoloin kohendamistu da maidozavodan uvvistamistu.
Kirjuttauvu
Rekisteröintä
Peittošana
Hyväkšy peittošana