Täl vodel Petroskoiš ei linne surt ”Leved Maidnedal’”-praznikad. No Maidnedalin parahim simvol kaiken se valitas. Konkursan ühtnikoile pidab tehta suren päiväižen palikol da čomenzoitta sidä kahtes polespäi. Sid’ tehta fotokuvad da oigeta konkursan tegijoile.
―Ühteta konkursaha voib kaikutte tahtnik. Voib tehta kanzanke, sebranikoidenke vai ičeze klassanke. Mugažo školiden, päivkodin da toižiden organizacijoiden joukud voiba vaumištada tön ühtes. Mö kucum lindan eläjid da adivoid ozutada ičeze lahjavut da mel’kuvitelust, sanuba konkursan tegijad.
Kaik ühtnikad saba diplomad da lahjad muštoks. Vägestajad saba lahjbumagad LotosPlaza-laukaha.
Fotokuvad pidab oigeta adresale.