Kodimuan urholoin päivy: elävy musto
Talvikuun 8. päivänny Kodimuan urholoin päiviä vaste Karjalan tazavallan ystävyskois vastavuttih Karjalan endizien alaigähizien fašistuluageriloin vangiloin liittoh kuulujat.
Pruazniekan kel liittolazii hyvitteli Kanzallizen da alovehellizen poliitiekan ministran sijahine Aleksandr Jeršova.
— Lapsennu teil tuli nähtä histourien hirvevimät tapahtumat, ga teijän syväimet jiädih palajikse. Omal ezimerkil työ ozutatto kogo mierole, mit ollah lujus, rohkevus da omanmuan suvaičus, kerdou Aleksandra Jeršovan sanoi Karjalan piämiehen lehtistöpalvelu.
Rohkieloin da lujasydämellizien rahvahien vastavukset ainos mennäh hyväs ilmupiiris. Alaigähizien vangiloin liiton olemas olendan aigah liittolazet roittih suurekse perehekse. Vastavuksele tulluot hyviteltih 90-vuozipäivän kel Valentina Grafininua, häi on suannuh Kanzallizen da alovehellizen poliitiekan ministerstvan kiitoskirjazen.
Liittolazet yhtyttih Voiton ruadopaja -projektah, opittih omii vägilöi erillizeh voinuoperatsieh yhtynyzile tarvittavien vehkehien luajindas. Projektua pidäy Ven’an rahvahien assamblejan Karjalan alovehelline ozasto.
Vastavuksen jälles pidoh tulluot piettih paginua čuajuu juvves.
Yhty Oman Median kanualah Telegramas!
