Periodika-kuštantamošša viime vuotena päivänvalon näki 26 julkaisuo. Ne ollah kauno-, tieto-, lapšien kirjallisuon tevokšie, kirjoja Karjalašta, šen eläjien kohtaloista, muisselmista ta faktoista, on niise šarjakuvakirja ta matkaopaš.
– Kniigumelliččäh kučumma kaikkie, ket otettih ošua kirjojen luatimiseh: kirjuttajie, piiruštajie, toimittajie, painajie. Passipo kaikilla, ken otti ošua niijen valmistamiseh, šano Periodika-kuštantamon johtaja Natalja Sinitskaja.
Šuurin oša kirjoista – 15 julkaisuo – painettih Krjalan tašavallan kanšallisen ta alovehellisen politiikan ministerijön rahotukšella, toiset kirjat julkaistih yhteisruavošša kirjailijien tahi yhteiskunnallisien järještöjen kera, on olomašša ni Kuštantamon omie projektija.
Kniigumelličäššä kirjojen esittelyjen lisäkši oli järješšetty ni luomisohjelma. Illan vierahina oltih Kantele -tanšši- ta lauluyhtyvehen nuorisostudijo, Inkeri-kuoro ta Karjalan kanšallisen teatterin näyttelijä Andrei Gorškov.
Video toimenpivošta šuau kaččuo Karjalan kanšallisen kirjašton Youtube-kanavalla. Kirjoja, kumpasie julkaistih Karjalan tašavallan kanšallisen ta alovehellisen politiikan ministerijön rahotukšella kanšlaisjärještöt voijah šuaha ministerijöštä makšutta anomukšen mukah.