Eloho läksi Kipinän uz’ sügüz’kun nomer vepsän kelel. Udes nomeras voib löuta runoid, starinoid, erazvuiččid harjoitusid.
Ol’ga Žukova jatksi kirjutada muzejan polhe. Täl kerdal hän starinoiči vepsläižiden kalanikoiden püdusiš da kalatusen mahtoiš. Vereses nomeras om ”Neglik käbuspäi” -mastar’-klass, mittušt kebnašti voib tehta kaikutte tahtnik. Kut i kaiken, sügüz’kun nomeraha om pandud urokoiden aigmär. Penembile lapsile om Agnia Barton runoiden kändmižid, sormiden vänd da čoma kirjamišt.
Täs nomeras ”Čoma vepsän ma”-rubrikas om kirjutez Piterin agjan Boksitogorskan rajonan suvivepsläižes Maigär’-küläs. Kristina Strelkovič kirjuti čoman sarnan siš, kut Maša-neičukaine töndui matkaha ičeze kažinke. Siš, midä melentartušt Maša nägišti, voit lugeda kulehtesen udes nomeras. Mugažo algat unohtagoi ühtneda uzihe konkursoihe.
Lehtesen tegijad toivoba, miše se tuleb mel’he penikaižile da vanhembile lapsile.