“Kipinä” kevätty ennustau
Tänä vuon “Kipinä” täyttäy 40 vuottu. Erikseh karjalan-, vepsän- da suomenkielizet noumerat piästäh ilmah jo 15 vuottu. Ruado on ruattu suuri, ga, uskommo, ku se on vaiku algu.
— Täs noumeras lugijat tuttavutah lähembi julgavon piätoimittajan Jana Filimonkovanke. Jana vastuau erilazih kyzymyksih, kudamat koskietah ei vaiku žurnualua, sanou veinankarjalaine toimittai Maikki Remšujeva.
Žurnualas tiijustatto, mittuine roulii on meččyelättilöil da kodižiivatoil karjalazien elokses, kedä enne sanottih ruagačukse da kedä tulikokse. Mittumis elättilöis äijiä tolkuu ei ole, keh verrattih ahnastu ristikanzua. Suarnat “Orava ta jänis” da “Siivekäs, pörhäkkö da razvahine” opastetah elämäh oigieh.
Terväh tulou kevät, i niilöile, ket tahtotah parandua omua tervehytty, “Kipinä” mustoittau, ku se on koivun mahlan aigu. Vie kevät on kaunis kallehel kirikköpruazniekal — Äijypäiväl. Toimittajat valmistettih Äijänpäivän stolan čomenduksen — se lugijal pidäy luadie omin käzin.
Žurnualan vuozipäivän kynnyksel “Kipinän” toimitus potakoiččou omii nuorii lugijoi yhtymäh eri kilboih. Tieduo niilöh niškoi rodieu “Kipinän” VK-sivul.
Yhty Oman Median kanualah Telegramas!
