Kestinkin šeuvun kertomušperinnehtä -kirja näki päivänvalon

Kestinkin šeuvun kertomušperinnehtä -kirja näki päivänvalon

22.05.2023
Karjalan tietokeškukšen tietomiehen ta folklorin tutkijan Marija Kundozerovan valmistama Kestinkin šeuvun kertomušperinnehtä -kirja on painettu.
Kirjua on mukava lukie folklorin tutkijilla ta harraštajilla, kielitutkijilla, istorikoilla, kotišeutututkijilla ta varmašti Kiestinkin kyläšeuvun karjalaisilla. 12+. Kuva: Uljana Tikkanen
Kirjua on mukava lukie folklorin tutkijilla ta harraštajilla, kielitutkijilla, istorikoilla, kotišeutututkijilla ta varmašti Kiestinkin kyläšeuvun karjalaisilla. 12+. Kuva: Uljana Tikkanen

Karjalan tašavallan Louhen piirin šekä Murmanskin alovehen Kantalahen piirin kertomušperinnehtä on esitetty uuvvešša kirjašša. Šen valmistajana on Karjalan tietokeškukšen tietomieš, folklorin tutkija Marija Kundozerova.

— Kirja on Nina Lavosen kokomukšen “Kiestinkin kanšanlauluja” jatko. Vuotena 2013 mie henkilökohtasešti tutuššuin hänen kera ta hiän šano, kuin äijän materialie on instituutissa ta pitäy valmistua še julkaisomiseh, šelitti kirjan luatija Marija Kundozerova.

Materialien valmissuš kirjua varoin alko vuotena 2019, vuosi takaperin še neuvottih julkaisomisekši ta nyt kirja on valmis. Kirjašša voipi lukie Karjalan tašavallan Louhen piirin šekä Murmanskin alovehen Kantalahen piirin XIX—XXI vuosišatojen starinoja, legendoja, mifologisie ta istorijallisie tarinoja, ihmehšuarnoja karjalakši ta niijen kiännökšet venäjäkši. Niise on liiteh, kumpasešša on kerrottu julkaistujen starinojen kertojista, folklorin keryäjistä ta on näytetty Kiestinkin šeuvun kylien kartta. Kirjan painaušmiärä on 300 kappalehta. Ne levitetäh Karjalan kirjaštoih, kulttuurikeškukših, enšikši Karjalan pohjosešša.

Šuunnitelmissa on kirjan esittely. 29. oraškuuta še pietäh Koštamukšešša Viena-šeurašša. Marija kertou mitein kirja valmissettih ta lukou koštamukšelaisilla luvennon “Runonlaulu pruasniekka- ta arkipäivinä”. Šen jälkeh esittelyjä pietäh Kiestinkissä, Piäjärveššä ta Petroskoissa.

Kirjan valmistaja on Marija Kundozerova, tietotoimittaja — Aleksandr Petrov, arvoštelijat — Aleksei Konkka ta Nikita Petrov, kuvittaja Dmitrii Dmitrijev, kiäntäjät — Ol’ga Gorškova, Nina Lavonen, Marija Kundozerova, Natalja Vorobei, Andrei Osipov.

Kirja on painettu Arhippa Perttusen šiätijön toteuttaman Kotimuan voima -projektin rajoissa.


LIŽIÄ AIHIES
Karjalan Sanomat
Vodlajärvi: Taidesaarelle syntyvät uudet taideteokset
Elokuussa taiteilijatiimi lähtee taas Velikostrovin saarelle veistämään puusta ja raudasta.
Karjalan Sanomat
VDNH-näyttelykeskus: hyväntekeväisyystempaus järjestetään Belgorodin asukkaiden tueksi
Kerättyä rahaa käytetään Belgorodin loukkaantuneiden asukkaiden hoitoon ja kuntoutukseen sekä vahingoittuneiden talojen kunnostukseen.
Karjalan Sanomat
Kostamuslaiset opiskelevat lisää teknisiä tieteitä – Kaupungin kymnaasissa avataan insinööriluokat
Hankkeen tavoitteena on syventää koululaisten tietämystä teknisistä tieteistä. Hanketta toteuttavat Kostamuksen Karelsky Okatyš -rikastamokombinaatti ja Petroskoin valtionyliopisto.
Oma Mua
Kondieloin eloksen tutkimine jatkuu Karjalas
Vodlajärven kanzallizes puustos  jatkuu Kondiet susiedoinnu -projektan ruado. Projektan tarkoituksennu on tutkie kondieloin elostu da luadie rauhu ristikanzan da kondieloin välil.
Karjalan Sanomat
Kiintopalloja käytetään Venäjän ja Suomen rajan valvonnassa
Kiintopallot voivat pysyä ilmassa useita päiviä, mikä auttaa Karjalan rajavartijoita ylläpitämään järjestystä raja-alueella.
Oma Media
Финские власти представили законопроект о ”выдворении” – В ООН законодательная инициатива подверглась критике
В управлении Верховного комиссара ООН по делам беженцев заявили, что новый закон нарушает нормы международного права.
Karjalan Sanomat
Karjalainen yleisurheilija lähtee BRICS-maiden kilpailuihin
Kansainvälinen moniurheilutapahtuma pidetään Kazanissa 12.–23. kesäkuuta.
Karjalan Sanomat
Pitkärannan piiri: Ladožskoje-meijeri on aloittanut tuotannon
Laitos valmistaa maitoa, juustoa, smetanaa ja rahkaa. Lisäksi tänä vuonna laitos on rakentanut uuden vasikkanavetan.
Karjalan Sanomat
Lokki lähti Tšehovin kartanoon — Kansallinen teatteri mukana kansainvälisellä festivaalilla
Karjalan kansallinen teatteri esittää tänään Olenko muuttunut kovasti? Lokki -esityksen Melikhovo-kartanomuseossa.
Kirjuttauvu
Rekisteröintä
Peittošana
Hyväkšy peittošana