Karjalan tašavallan päivyä Kalevalašša juhlitah 11. šyyškuuta
Koronatilanneh vaikutti tašavallan päivän viettämiseh.
– Kalevalan piirin piämieš Valentina Bulavtseva kiänty Karjalan halličukšen puoleh ta ehotti šiirtyä tašavallan päivän juhlimista myöhempäh aikah vaikien koronatilantehen takie, kertou Karjalan tašavallan piämiehen lehistöpalvelun hallinto.
Koronatilantehen takie Artur Parfenčikovin käšyn mukah Kalevalan piirissä toimiu erityisjärješšyš ta lisärajotukšie. Tašavallan päivien viettämiseštä vaštuaja komiisi piätti šiirtyä pruasniekan šyyškuun 11. päiväh.
Piirin piämieš kannatti komiisin piätöštä, kumpasešta tänäpiänä työmatan aikana sosialikyšymykšien varapiäministeri Larisa Podsadnik kerto Kalevalan piämehellä Valentina Bulavtsevalla.
Lisäkši kokoukšešša käsiteltih pruasniekan järještämisen kyšymykšie.
