Karjalan piämiehen grantufondan projektukilbu algavui — Projektoih on annettu enämbän 30 miljounua rubl’ua
Ezmässargen 28. sulakuudu algavui karjalan piämiehen grantufondan projektukilbu. Projektoin todevuttamizeh annetah tänä vuon enämbän 30 miljounua rubl’ua. Sih nähte kirjutti piämies Artur Parfenčikov omassah VKontaktas.
— Mennyt vuon annoimmo tugie 38 projektale. Niilöin mugah aktivistat autettih erillizeh voinuoperatsien yhtynyzii da heijän perehii, kerdoi Parfenčikov sotsiualumediois.
Parfenčikovan mugah tazavallas valmistettih ozutuksii da luajittih fil’moi Mustokirju: Donbasan puolistajat — Karjalan urhomiehet -nimizen projektan mugah sego luajittih ruaduo Suuren Ižänmuallizen voinan aigah kuadunuzien saldatoin muston säilyttämizekse.
Mennyt vuon Karjalan Rahvahan Liitto on suannuh kannatustu omah projektah ”Karjal ristikanzoin: histourii, kieli, kul’tuuru” Karjalan tazavallan piämiehen grantufondas. Projektan mugah lapset luajittih da kirjutettih kahtel kielel hyvittelykortit Suuren voiton 80-vuozipäivän kunnivokse da työttih erillizeh voinuoperatsien yhtynyzile.
Projektoi otetah vastah oraskuun 28. päiväh suate. Ližiä tieduo projektukilbah nähte voibi suaja telefonas: +7 (909) 570-43-29 da sähköpoštači.
Aihies voit lugie suomeksegi.
