Kokoukšeh otetah ošua Venäjän kanšojen assamblejan, Venäjän tietoakatemijan, Tverin karjalaisien järještöjen, virallisien elimien, Tverin yliopiston, Karjalan tietokeškukšen kielen, kirjallisuon ta istorjan instituutin etuštajat.
– Myö pakajamma Tverin alovehella karjalan kielen tilantehešta, šen eri tašoilla opaštamisešta, opaššušmaterialien proplemoista, karjalan kielen kurššien pitämiseštä online ta ofline, valtijollisešta kielen kannatukšešta. Toivomma löytyä uušie ratkaisuja, šano toimenpivon järještäjä, Venäjän tietoakatemijan kielitietoinstituutin spesialisti Ol’ga Pavlova.
Ennein issunnon alkamista kirjaštošša avatah kirja- ta kuvanäyttely tverinkarjalaisien kulttuurista ta elämäštä.
Kaikki tapahtumah pietäh Gor’killa nimitetyššä Tverin alovehellisešša kirjaštošša.