Aleksandr Deržavin kävi Vuokkiniemeššä ta Pirttilahešša valokuvuamašša karjalaisie. Hiän tahto luatie valokuvaprojektin karjalaisista, heijän tavoista ta kieleštä.
– Mie lähetän tämän projektin kanšainväliseh World press photo -kilpailuh šekä Venäjän valokuvataiteilijien nuorisokilpailuh. Mie oikein tykkyän Karjalua ta kaikkie, mi liittyy tašavaltah, kerto valokuvuaja.
Aleksandr näki, mitein karjalaiset eletäh nyt, kuunteli heijän kertomukšie elämäštä ta šuvušta, kuuli karjalankielistä pakinua. Šamoin hiän kävi Taipale-huuttorilla ta otti šieläki valokuvie. Valokuvuaja šuunnittelou jatkua projektie ta käyvä toisih kylih tutuštumašša karjalaisih.
Aleksandr Deržavin kyšyy ottua yhteyttä häneh, još kennih tahtou ošallistuo projektih. Kaikki luajitut valokuvat hiän julkaisou valokuvakirjašša. Nyt Aleksandrin matkuštamista Karjalua myöten šuau šeurata hänen instagram-šivulla.