Karjalan valdkundas 2021.voz’ om omištadud Karjalaižile runoile. Ezmäižen suren azjtegon linneb voden praznikavaiduz, mitte tehtas Petrosokoin Rahvahaližes kirjištos, 25. uhokud, 15.00.
— Toivom, miše nece azjtego tuleb hüväks Karjalaižiden runoiden voden augotišeks. Tahtoim, miše Karjalan eläjile oliži melentartušt tundištadas Karjalan runotusen veroidenke edemba-ki, sanub Aleksandra Anufrijeva, Rahvahaližen da regionaližen politikan ministerstvan radnik.
Vastusel kirjišton adivod tedištaba karjalaižen runopajatusen tradicijan polhe, saba tedoid azjtegoiš, miččed planuitas Karjalaižiden runoiden vodeks, kulištaba karjalaižid runoid lapsiden suspäi. Kaik ristitud, ked ei voigoi tulda kirjištoho, voiba ühteta azjtegoho online.
Vastusen pätegijad oma Karjalan valdkundan Rahvahaližen da regionaližen politikan ministerstv, Rahvahaline kirjišt da Kelen, literaturan da istorijan institut.