Karjalašta kerätäh parahie juttuja
Karjalan eläjillä ta vierahilla on mahollisuš kuotella omie kirjutuškykyjä Šuuren Karjalan pienet tarinat -kilpailušša. Šitä pitäy ECHO-liitto Interaktiivini kotišeutututkimuš -projektin rajoissa.
– Muan istorija muovoštuu pienistä tarinoista ta tavallisien eläjien kertomukšista ičeštä, omašta pereheštä, kotikyläštä. Myö, ECHO-liiton joukko tahomma kerätä mukavampie tarinoja Karjalašta ta esittyä niitä koko muailmalla. Tarinakši šopiu kotišeututietoja, paikalliset huumoriset kertomukšet, henkilökohtaset ta perehistorijat, šelitetäh kilpailun järještäjät ECHO-liiton nettišivulla.
Omie mukavie tarinoja voipi kirjuttua omalla šivulla Vkontakte-sosialiverkošša. Muistakkua kirjuttua heštegi #маленькие_истории_Карелии, #сельские_истории tahi #сельский_блогер.
Kilpailušša valitah voittajie muutomašša nominanijošša, a yksi voittaja kučutah temaattisella matalla Karjalua myöten. Juttuja šuau julkaissa šyyškuun 10. päiväh šuaten. Voittajie ilmoitetah šyyškuun 20. päivänä.
