Karjalan mecad oma jugedoiš oloiš. Nügüd’ Karjalan rajonoiš om 30 lämoipalod. Joga päivän sambutajad radaba mecas, ristitud da külän eläjad abutaba heile sambutada požaroid.
Jugedad olod Karjalas käskeba ristituile ühteta ühthe vägehe da abutada sambutajile. Požarad oma äjiš Karjalan rajonoiš. Ku tö tahtoit abutada sambutada lämoilapod, teile pidab kirjutada Vkontakte-gruppaha vai zvonida telefotoiden mödhe +7 911 4079240, +7 906 2074660. Nügüd’ volont’oroid da mašinan vedäjid varastadas Kondopogan rajonas. Mugažo tö voit abutada sobil da sömižel, todes niid Leninan irdale, 31.
—Sambutajad tegeba kaiken, miše sambutada požarad. No meile-ki pidab abutada heile. Minä pakičen Karjlan valdkundan eläjid olda kodiš da tedotada uziš lämoipalon sijoiš, kirjutab Karjalan valdkundan pämez’ Artur Parfenčikov ičeze Vkontakte-lehtpolel.
Necil kezal oli jo 255 lämoipalod. Muloi niiden lugumär oli 127. Tedotada lämoipalon polhe voib telefonan mödhe 8814-2-55-55-80.