Karjalašša juhlitah Roštuota
Juhlaliturgijat alettih Roštuon uattona, 6. pakkaiskuuta. Nellännenpäivän huomenekšella Petroskoin Rissinnoššannan piäkiriköššä piettih Vasselei Šuuren liturgijua ta šuurta iltasluušpua.
Pakkaiskuun 6. ta 7. päivän välisenä yönä Aleksanteri Nevalaisen piäkiriköššä Petroskoin ta Karjalan mitropolitta Konstantin vietti yö- ta huomenešsluušpua šekä Johannes Kultašuun liturgijua. Seremonijah otettih ošua piäkirikön papit ta kuoro.
Liturgijan lopušša mitropolitta Konstantin onnitteli pappija ta kirikköhkävijie.
– Pakkaiskuun 7. päivänä kello 18:00 Aleksanteri Nevalaisen piäkiriköššä mitropolitta Konstantin pitäy šuurta iltasluušpua. Seremonilan jälkeh pyhänpäivän koulun kašvatit ta pienet kirikköhkävijät šuahah lahjoja, ilmottau Petroskoin jeparhijan tieto-ošašto.
Pakkaiskuun 9. päivänä Rissinnoššannan piäkiriköššä jumallalisen liturgijan jälkeh vietetäh pyhänpäivän koulun kašvattien konserttie, min jälkeh pienillä kirikköhkävijillä niise annetah lahjoja.
