Kantele-yhtyveh on täyttän 85 vuotta

Šuuri ohjelma kertou Kantele-yhtyvehen istorjan eri vaiheista. 6+ Kuva: Kantele-yhtyvehen VK-ryhmä

Kantele-yhtyvehen vuotisjuhlan lopputilaisuš piettih Petroskoissa. Še oli uuši ohjelma “Aikojen pulssi”, mi tuttavuššutti kaččojie kollektiivin istorijan eri vaiheih.

— Aikojen pulssi -ohjelma tovisti, jotta luova Kantele-yhtyveh kehittyy. Še šeuruau nykyaikasie kulttuuritrendijä ta aina on uušien idejojen ečinnäššä. Kiitän koko meijän kollektiivie luovašta ruavošta ta valmissetušta ohjelmašta, korošti yhtyvehen johtaja Natalja L’vova.

Ohjelman luatimiseh “Kantelen” artistojen ta muusikkojen joukošša ošallissuttih tašavallan ulkopuolelta kučutut spesialistit. Aikojen pulssi -ohjelman ohjuajana on Aleksei Šalajev.