Karjalan tašavallan kanšallisen ta alovehellisen politiikan ministerijö ilmotti projektien kilpailun tulokšet. Niijen mukah 14 ei-kaupallista järještyö voitti grantin omien projektien toteuttamiseh.
Granttien kilpailuh piäsi 43 ilmoitušta, niistä luvan kilpailun ošallistumiseh šai 34 projektie ta voittajakši piäsi 14.
– Voittajien joukošša on šiätijöitä, kanšalaisjärještöjä, ei-kaupallisie järještöjä, liittoja. Heijän projektit voitettih kilpailun kolmešša nominatijošša: “Meijän kantatuattojen mua”, “Karjala – šovun aloveh” ta “Projektit, kumpasie toteutetah Karjalan muutomašša piirissä”. Eryähät grantin voittanuot järješšöt šuavulla rahalla järješšetäh tämän vuuvven merkkipäivillä omissettuja toimenpitoja, šelitettih Karjalan kanšallisen ta alovehellisen politiikan ministerijöššä.
Projektit ruvetah toteuttamah tämän vuuvven loppuh šuaten. Kilpailun järještäjät onnitellah voittajie ta kiittäy kaikkie ošanottajie hyvistä projektien idejoista.