Kallivotaijon planetta -näyttely on avattu Piessan jälet -paviljonissa
23.12.2021
Talvikuun 23. päivänä Belomorskin piirin Piessan jälet -paviljonissa avattih Kallivotaijon planetta -kiertäjä näyttely. Tapahtuma on šivottu Karjalan kallivopiirrokšien lisyämiseh UNESCO:n muailman perinnön luvetteloh.
Näyttelyn tarkotukšena on Karjalan kallivopiirrokšien popularisointi. 0+ Kuva: Karjalan tašavallan kulttuuriperintöobjektien šuojeluvirašton nettišivu
Näyttelyn piäidejana on esittyä runšašlukusie ta monenmoisie kallivotaitotevokšie muapallon eri ošista.
— Kävijät tutuššutah UNESCO:n muailman perinnön luvetteloh kuulujih kallivopiirrokših. Näyttelyn keškiaihiena on Karjalan kallivopiirrokšet, kumpasien ainutluatuni arvo on tunnuššettu muailman tašolla, kerrotah Karjalan tašavallan kulttuuriperintöobjektien šuojeluvirašton VK-šivulla.
Kallivotaijon planetta -näyttelyn projektin valmistajana on piiteriläini Territorija Sever -projektiryhmä.
Näyttely toimiu Piessan jälet -paviljonissa pakkaiskuun 30. päiväh šuaten. Šen jälkeh šitä esitetäh tašavallan toisissa musejo- ta näyttelytiloissa.
LIŽIÄ AIHIES
