Kalages pühütadihe ut Nikolai Čudontegijan časoun’ad
12.08.2024
Časoun’ saudihe sijale, kus ende seižui Nikolai Čudontegijan pühäkodi. Nügüd’ se om avoin kaikile.
Časoun’as voib viritada tohused tervhudeks da hengen tünüdeks. Kuva: Vasilii Gotič
Kalages pühütadihe ut Nikolai Čudontegijan časoun’ad. Pühütamižen tegi Iona-Jäšjärvelaižen monastirin pämez’ igumen Dosifei ani Nikolai Čudontegijan sündundpäivän — 11. elokud. Necile azjtegole kerazihe äi Kalagen eläjid.
— Časoun’an tegim ičemoi vägil: rahoid sen sauvomižele löuziba ristitud, kudambile ei ole üks’kaik, starinoičeb Kalagen eländtahon nevondišton pämez’, časoun’an sauvomižen tomotai Svetlana Gotič.
Uz’ časoun saudihe kaumištol. Sille-ki anttihe Nikolai Čudontegijan nimi. Časoun’as voib viritada tohused tervhudeks da hengen tünüdeks. Časoun’ om avoin kaikile. Pidäškandeb hol’t siš Svetlana Gotič.
Uzišt neciš temas voib lugeda mugažo venäks.
LIŽIÄ AIHIES
