Kalagen kul’turpert’ vaumištase kohendusehe

Külän praznik kul’turpetin rindal. Kuva: Kalag’-külän kul’turpertin Vkontakte-lehtpolelpäi.

Karjalan valdkundan Zakonoidentegendan suiman vastusen aigan diputatad pätiba tugeta vepsläšt Kalag’-küläd da antta 5,5 millionan rubl’ad kul’turpertin katusen kohendusen täht. Nügüd’ kul’turpertin pala ei rada, sikš ku om äi promlemois katusenke.

—Nece kohenduz andab voimušen kävutada suren kacundzalan, mitte om kul’turpertiš. Sigä voib pidäda erazvuiččid azjtegoid. Kul’turpertiš linneb sija uden počtan täht-ki, sanub Kalag’-külän pämez’ Natalja Silakova.

Ei muga amu sigä tehtihe lämbituz, kohetihe lämoi da pandihe uded iknad. Kul’turpertiš om tehtud sporthonuz külän eläjiden täht. Kalagen kul’turpert’ om sautud vodel 1930, sid’ se om udessündutadud vodel 1970.