Jessoilan koulu pannah uuteh kuntoh
Jessoilan keškikoulu tänä vuotena uuvvissetah. Šyyškuun enšimmäisekši päiväkši oli peruštehellisešti korjattu rakennukšen oččašeinät šekä kouluh šiämipiäšy ta pimiekuun enšimmäiseh päiväh šuaten lopetetah korjauš šiämeššä ta kunnoššetah šiämipiha.
‒ Lapšet voijah opaštuo koulušša, ka šamalla aikua šiinä pietäh remonttie. Niise kunnoššetah koulun pihua ta järješšetäh koulumusejo. Meijän kouluh tänä vuotena on oššettu uušie huonehkaluja, esittelyšeinie šekä pehmeitä huonehkaluja lepopaikkua varoin, šelitti koulun johtaja L’udmila Testova.
Jessoilan koulu korjatah Federalisen peruškorjaušohjelman mukah.
Jessoilan koulu on koululaisien lukumiärän mukah kolmaš koulu Priäžän piirissä. Šen opaštujien kešen on äijän taitajie opaštujie, kumpaset voitetah tašavallan tietokilpailuissa, šuahah hyvie taito- ta urheilutulokšie. Koulun parahat opaštujat šuatih täkši vuuvvekši Priäšän piirin piämiehen stipendin.
