“Fermer Karelii” on juannuh kartohkua
Talvikuun lopus Fermer Karelii -laitoksen johtai Ksenija Sosunkevič on ilmoitannuh kilvan. Fermeru kehitti rahvastu työndämäh kilbaheri syömizien retseptoi, kudaloih kuuluu kartohku.
Kilvan mugah, se, kudai kirjuttau parahan erinomazen syömizen retseptan Uvven Vuvven pruazniekakse, suau huavon kartohkua. Myöhembi rodih selgie: vallita vaiku yksi retseptu on ylen jygei.
– Myö kogo perehel valličimmo parahii retseptoi da piätimmö, ku voittajua rodieu nelli. Net ollah Inna Mitina – Viršizet jäičän da juustonke, Klavdija Kirilenko – kartohkučupukat, Svetlana Kapkova – Kroketat da Ol’ga Suhova – Bebi fri.
Enämbi kaikkie kilbah työttih šipainiekoin libo näppipiirualoin retseptoi, joga perehes tämän karjalazen da vepsäläzen perindöllizen syömizen retseptu on oma. Iče Ksenija sanoi, ku hänen perehes kartohkua enimite keitetäh, kuores libo kuorettah – rippuu vuvven aijas. Parahii retseptoi voibi kaččuo Ksenijan vk-sivul.
