Etnokenttä keryäy tietoja tverinkarjalaisista
“Tverin karielazeh luona” on etnokulttuurikenttä, kumpasen ošanottajien tehtävänä on keškuššella Tverin alovehen Rameškovon piirin eläjien kera.
– Pakinojen teemana on kašvattamini karjalaisešša pereheššä. Šitä varoin myö projektin järještäjät juamma ošanottajie kahteh ryhmäh: enšimmäini rupieu pakauttelomah ihmisie venäjäkši, toini – karjalakši, šelitti projektin ruataja Anastasija Runtova.
Järještäjät jo valmissettih kyšymykšet. Hyö etukäteh oltih Rameškovon piirissä, valittih paikka leirie varoin ta keškuššeltih paikallisien eläjien kera.
Etnokentän ruavon tulokšena on videomaterialien valmistamini, kumpasie olis mahollista näyttyä kaikilla halukkahilla. Projektie toteutetah Presidenttišiätijön kannatukšella. Ka tärkein voima, millä mänöy toiminta, on ihmisien tahto šäilyttyä karjalaista kulttuurie.
