Etnobloggerija kučutah blogimatalla – Ilmottauvu mukah!
Etnobloggerija kučutah blogimatalla nimeltä “Vierailulla kielen pakasijien luona”. Anomuš voijah jättyä 18—35-vuotiset nuoret ihmiset, kumpaset valmissetah blogija muamonkielellä.
— Kilpailun voittajat šuahah mahollisuon liittyö kieliaktivistien tiimih, mi lähtöy blogimatalla Komin tašavaltah 23. šajekuuta, kerto Oma Media -portalilla projektin koordinattori Anželika Zas’adko.
Projektin tarkotuš on luatie tunnetukši Venäjän kanšojen vähemmistökielie ta eistyä niitä šekä medijašša jotta nuorien kesen.
— Matan tulokšena projektin ošallistujat keksitäh uušie menetelmie vähemmistökielien šäilyttämiseh ta eistämiseh, luajitah blogipoštaukšie ta videoita šekä niise projektin blogi. Komin tašavallan pääkaupunkissa Siktivkarissa järješšettävän panelikeškuštelun šisällöštä luajitah yhtehveto ta šen pohjalta valmissetah šuositukšet vähemmistökielien šäilyttämisen, tutkimisen ta kehittämisen toimista nykytilantehešša, Zas’adko kerto.
Projektie on toteuttan vuuvvešta 2021 Kanšallisien šuhtehien resurssikeškuš Venäjän kanšallisušaseijen virašton tuvella.
Anomukšen voit jättyä 30. šyyškuuta šuaten. Kilpailun voittajat ilmotetah 1. šajekuuta.
Lisätietoja projektista löytyy tiältä.
Aihiešta voit lukie niise šuomekši.
