Erillizen voinuoperatsien veteruanat käydih Karjalah
Veteruanat Ven’an eri čuppuloispäi perehinneh tuldih Karjalah poujezdal Moskovaspäi. Paiči Petroskoidu, Ižänmuanpuolistajat-fondan akkiloittavat veteruanat kävväh vie Sodravalah da Viiborgah, Kižin suarele, Ruskeala-mägipuustoh da Bastion-histouriellizeh puustoh.
— Joga matku on suuri tapahtumu Erillizen voinuoperatsien veteruanoih da heijän omahizih niškoi. Joga matkan aigah hyö “čukeldutah” Ven’an alovehien ainavoluaduzih atmosfieroih, enämbän tiijustetah heijän perindölöis da kul’tuuras. Ga piälimäine, tiettäväine, on se, ku veteruanat unohtutah omis probliemois da täytytäh vägie. Matkoin jälles urhoit ollah valmehet uuzih ruadoloih, sanoi Ven’an puolistuksen ministran sijahine, Ižänmuanpuolistajat-fondan piälikkö Anna Tsivileva.
Omat mielet matkah niškoi sanoi Respublika-portualale Mihail Kostin, Erillizen voinuoperatsien veteruanu Novgorodan alovehelpäi:
— On hyvä matku meile järjestetty. Olemmo hyväs mieles, meidy vuottau suuri monipuoline programmu. Karjalas minä nikonzu en olluh, hos se lähälgi on Novgorodan alovehtu, ga mahtuo tänne puuttuo enne ei olluh.
Maijoru Mihail lähti matkah yhtes oman Anna-mučoinke. Häi sluuži kontraktan mugah vuvves 2023 Bars-otr’uadan ambujannu-sanituarannu. Nygöi Mihail opastau omih praktiekkuneroloih nuorii saldattoi, annetah heile tiijot, kudamat avvutettih handy jiäjä hengih.
Erillizen voinuoparatsien veteruanoih niškoi varustettih 12 ainavoluadustu maršruuttua Ven’ua myöte. Vuvvennu 2025 niilöih jo on yhtynyh 1 410 veteruanua.
Aihies voit lugie suomeksegi.
