Čoma matk Karjalaha

Irina Sotnikova
23.07.2026
Kezakus vepsläižiden delegacii Vologdan agjaspäi oli Karjalas. Kel’ekspedicijan ühtnikoiden täht oli vaumištadud melentartuine programm Petroskoiš da Šoutjärv’-küläs.
“Pol’arnii Odissei” -istorijaliž-kul’turižes keskuses. Kuva: Vologdan agjan “Vepsän kul’tursebran” arhivaspäi
“Pol’arnii Odissei” -istorijaliž-kul’turižes keskuses. Kuva: Vologdan agjan “Vepsän kul’tursebran” arhivaspäi

Delegacijaha mülüiba Babajevon rajonan Borisovon da Timošinon školiden openikad, kudambad “Taimen” -etnokul’turižen kel’ekspedicijan projektan aigan oppiba vepsän rahvahan tradicijoid i veroid da ühtniba azjtegoihe, miččed om oigetud vepsän kelen kaičendaha. Ühtes lapsidenke oliba heiden opendajad Ol’ga Smirnova, Ol’ga Balaban, Ol’ga Jegoričeva, Irina Bikova i L’udmila Zagul’ajeva.

Karjala vastsi adivoid čomal säl. Ezmäine sija, kuna läksiba projektan ühtnikad, oli Šoutjärven vepsläine etnografine muzei.

— Natalja Anhimova tegi lujas melentartuižen ekskursijan. Mö tedištim muzejan istorijan polhe, nägištim unikaližid kaluid, kulištim muzejan augonpanijan Rürik Loninan än’t, čuklahtuim vepsläižiden elon da tradicijoiden istorijaha, — sanui Vologdan agjan “Vepsän kul’tursebran” pämez’ Ol’ga Smirnova.

Mugažo ekspedicijan ühtnikad vastsihe Šoutjärven školan vanhembiden klassoiden openikoidenke, kudambad jagoihe ičeze mahtištol projektoiden todenzoitamižes. Vastuz oli lujas läm’ da sebrakaz. Sijaližen školan openikad vändiba kantelel. A lopus kaik vajehtihe muštlahjoil da pagižiba ühthižrados.

Petroskoiš openikad opendajidenke oliba adivoiš “Vepsläine”-taidehstudijas, kus mäni melentartuine mastar’-klass. 

Nece ei olend vaiše lebuaigan mänetand — lapsed saiba hüvid tedoid, miččed jäba pähä pit’käks.
Ol’ga Smirnova, opendai

— Ühtes Julia Aprodunke mö tegim heboižid džutaspäi da erimujuižiš nitišpäi. Kaikuččel läksi ičeladuine hebo — mujukaz, sarnaline, ičeze tabanke. Vastusen aigan opendajad da lapsed radoiba, pagižiba, jagoihe ičeze idejoil da tedoil, — sanui Ol’ga Smirnova.

Lapsile da aigvoččile lujas tuli mel’he mastar’-klass, kaik oliba hüviš meliš.

Päiv lopihe kävundal istorijaliž-kul’turižehe “Pol’arnii Odissei” -keskusehe, kus voi tundištadas merimatkan tradicijoidenke.

— Nece om čudokaz sija. Ezmäi meiden täht tehtihe tundištoituzmatk muzejadme. Mö tedištim, kut tehtihe laivoid, miččiš kodvusiš läbi pidab päzuda merimehile, nägištim unikaližid eksponatoid da laivoid. Lapsed oliba ihastusiš il’mištospäi! Jäl’ges, mastar’-klassal, mö openzimoi sidoda erazvuiččid merisol’mid. Nene tarbhaižed mahtod kožuba meile lebumatkoiš! Nece ei olend vaiše lebuaigan mänetand — lapsed saiba hüvid tedoid, miččed jäba pähä pit’käks, — jagoihe tundmusil Ol’ga Smirnova.

Nene oliba čomad lebupäiväd Karjalas. Päipaštokaz sä, uded tundištoitused da avaidused tegiba matkan unohtamatomaks, toiba lapsile da opendajile äi ilod da hüväd mel’t. Kodihe nored oppijad pördihe ei vaiše čomiden muštlahjoidenke da hüviden muštlotesidenke, no i suren tahtonke kaita da kehitoitta vepsän rahvahan bohatad kul’turjäl’gestust.

Matk Karjalaha oli “Taimen” -etnokul’turižen kel’ekspedicijan projektan aigan, miččen todenzoitab eloho Vologdan “Vepsän kul’tursebr” sijaližen valdmehišton rahatugel.


LIŽIÄ AIHIES
Karjalan Sanomat
Animaatiot yhdistävät Venäjän eri alueiden lapsia
Itsepäisestä vaimosta kertova animaatio livvinkarjalan kielellä valittiin yhdeksi kolmesta parhaasta Kuldaine sulgaine -animaatiofestivaalilla Petroskoissa.
Karjalan Sanomat
Vepsäläinen kansankuoro: juhlavuosi käynnistyy
Kuoro kutsuu kaikkia sen toiminnasta kiinnostuneita juhlavuotensa ensimmäiseen konserttiin, joka järjestetään tänään Soutjärven koulussa.
Oma Mua
Harakka, varis ta repo
Santra Remšujevan starinašta šuat tietyä, kuin varis šuatto auttua harakkua.
Karjalan Sanomat
Gorkin arvoituksellisin ja epäonnistunein teos lavalle
Draamateatterissa esitettiin Omituiset ihmiset. Esityksessä ohjaaja Denis Husnijarov pohtii, keitä ”omituiset ihmiset” ovat ja miten olosuhteet pakot tavat ihmiset pukemaan naamiot.
Oma Mua
Parahat alottehet Karjalan kanšojen hyväkši
Petroskoissa mäni tiijollis-käytännöllini Karjalan kanšat: Istorija. Nykyaika. Tulovaisuš -konferenšši.
Karjalan Sanomat
Tekoäly avuksi terveystarkastuksessa
Karjalan suurimpaan kauppakeskukseen on ilmestynyt laite nopeaa terveystarkastusta varten. Se arvioi kosketuksetta ihmisen terveyttä 17 eri mittarin perusteella vain 15 sekunnissa.
Kodima
“Meiden vägi om ičesamoi!”
Narjan-Maras mäni “Kundaližen diplomatijan škol” -ühthižvenälaižen openduzprogramman regionaline etap. Vepsän rahvast ezitiba Anastasia Jevtušenko Šoutjärvespäi da Sem’on Pozdn’akov Piterin agjaspäi.
Karjalan Sanomat
Karjalan kieli fokuksessa
Karjalan kielen museoaakkoset -hanke huipentui näyttelyyn Karjalan kansallismuseossa.
Oma Mua
Čärkkä on Vuokkiniemen šytän
Tänä vuotena Vuokkieniemen Čärkällä ilmešty vielä yksi näyttöpaikka. Kolme venehtä ašetettih katokšen alla, ta viereh pissytettih venehistä ta runokylista kertojat tietotaulut.
Karjalan Sanomat
Kansojen yhteistyö selvisi foorumissa
Noin sata suomalaisugrilaisten kansojen alle 35-vuotiasta edustajaa osallistui nuorisoneuvoston istuntoihin ja tapaamisiin Petroskoissa viime viikolla.
Kirjuttauvu
Please authorize:
Login:
Password:

Forgot your password?