Zavodihe “Vepsläižiden mir lapsiden sil’mil”- konkurs
Pirdatusiden konkurs lapsiden täht zavodihe Karjalas. Se om omištadud Vepsän kul’turan vodehe.
Vepsän kul’tursebr kucub eri-igäižid lapsid ühtnemaha pirdatusiden konkursaha, mitte zavodihe 1.semendkud. Konkursan nimi om “Vepsläižiden mir lapsiden sil’mil”.
― Vepsän kul’turan vodehe om omištadud äi melentartuižid da tarbhaižid azjtegoid. Üks’ niišpäi om “Vepsläižiden mir lapsiden sil’mil”- konkurs. Nece konkurs abutab kaikile kacuhtada vepsläižiden miruhu lapsiden sil’mil, löuta äi melentartušt jogapäiväižes elos, sanub Vepsän kul’tursebran pämez’ Larisa Čirkova.
Konkurs lopiše elokus. Parahimad töd saba lahjad.
2022 voz’ Karjalas om nimitadud Vepsän kul’turan vodeks. Se znamoičeb, miše ristituid varastab äi vastusid, festivalid da konkursoid. Voden avaiduz mäni vilukus vepsläižes Šokš-küläs.