Zavodihe grantoiden konkurs rahvahaližen taidehen sferas

Ühtnikoilpäi varasradas melentartuižid projektoid, miččed om sidotud rahvahiden taidehenke: festivalid, adivajelusid, fol’klorekspedicijoid, mastar’-klassoid i m. e. 12+ Kuva: Irina Sotnikova

Venäman Kul’turministerstv zavodib otta pakičusid grantoihe, miččil vodel 2027 todenzoittas sädandprojektad rahvahaližen taidehen sferas. 

Üntneda konkursaha voiba kommercižetomad organizacijad, miččed radaba sädandan da taidehen sferoiš, a mugažo tegeba erazvuiččid azjtegoid.

— Ühtnikoilpäi varastadas melentartuižid projektoid, miččed ozutaba Venäman rahvahiden taidehen äipoližut da kul’turerigoičusid. Ned om festivalid, adivajelusid, fol’klorekspedicijoid, mastar’-klassoid vai seminaroid, tedotadas Venäman Kul’turministerstvan oficialižel Vkontakte-lehtpolel.

Vägestajiden valičuz tehtas “Elektronine b’udžet” -sistemas, mitte radab Valdkundan rahatugen ühthižel platformal.

Pakičusiden otand jatkub voden 2026 sulakun 5. päivähasai.

Ližatedoid konkursas voib löuta Venäman Kul’turministerstvan oficialižel lehtpolel.

Uzišt neciš temas voib lugeda mugažo karjalaks.

Tarkištele "Oma Median" Telegram-kanalad!