Voden kirj: pakičusen aigan lophusai jäi koume päiväd
Karjalan valdkundas valitas Voden kirj. Pakičusen aig “Voden kirj Karjalan valdkundas“ –konkursaha zavodihe tal’vkun lopus, no nügüd’-ki, 5. päivähasai keväz’kud, tahtnikoil om voimuz’ oigeta ičeze radod i vägestada.
— Konkurs pidetas erazvuiččiden nominacijoiden mödhe: ”Карелия = Karjala”, ”Kirjan taideh”, ”Klassan kirj”, ”Tedon lämoi”, ”Lugeda i völ lugeda”, ”Minun röun i sen ristitud”. Ozutesikš, ”Карелия = Karjala”-nominacijaha voiba ühteta kirjoiden painused karjalan, vepsän vai suomen kelel. Konkursan vägestajad saba “Voden kirj Karjalan valdkundas“-znaman, sanub Aleksandr Larionov, Rahvahaližen kirjišton kodiröunan literaturan erišton ohjandai.
Konkursan ühtnikoile pidab oigeta pakičused kirjišton poctale.
Löuta pakičuzbumag da lugeda ližatedod voib Petroskoin Rahvahaližen kirjišton saital.
