Vladimir Putin: “Kaikkieh tilanneh on stabilini ta luotettava”
Tänäpiänä 19. talvikuuta Venäjän presidentti Vladimir Putin viettäy perintehellistä lehistötilaisutta, missä kertou vuuvven tulokšista.
Tilaisuon alušša Venäjän presidentti korošti talouvellisen kehitykšen merkityštä ta toi tärkeitä talouvellisie tunnukšie.
― Vuotena 2024 talouškašvu on 3,9%, a voit olla 4%. Pitäy kaččuo, šentäh kun vuuvven lopun tulokšie lašetah enši vuuvven enšimmäiseššä vuosinellännekšeššä. Še merkiččöy, jotta Venäjällä kahen vuuvven aikana talouškašvu oli 8%, šano Presidentti.
Valtijon piämieš korošti, jotta Yhyšvalloissa talouškašvu oli 5—6%, Euroalovehella — 1%, a Šakšašša — 0%.
Vladimir Putinin mukah Venäjällä työttömyön tašo on tosi pieni — 2,3%.
Presidenttie huoleššuttau inflatijon tašo.
– Eklein, kun valmistauvuin täh tilaisuoh, pakasin Keškušpankin johtajan kera. Elvira šano miula, jotta inflatijo on 9,2—9,3%, onnakko palkat kašvettih 9%. Kaikkien tilanneh on stabilini ta luotettava, šano Vladimir Putin.
