”Vepsän vezad”-sebr kucub udele vastusele
23.03.2021
Tedištada, kut nügüd’ voib kävutada vepsän kel’t elos, taričeba nored mehed ”Vepsän vezad”-sebraspäi. Sidä voib tehta vastusel, mitte linneb jo 27. keväz’kud Periodika-paindištos.
Petroskoin universitetan opendajad da pästnikad starinoičeba, kut hö kävutaba vepsän kel’t ičeze elos da rados. Kuva: Darja Švecova
”Vepsän vezad”-norišton sebran ühtnikad planuičeba tehta uden vastusen ”Vepsän kel’ minun elos!”. Vastusel baltiameren-suomalaižiden keliden kafedran opendajad da pästnikad starinoičeba, kut hö kävutaba vepsän kel’t ičeze elos da rados.
—Vastusel tö tundištatoi vepsänkeližen joukvestišton radon erigoičusidenke, vepsän kelen opendajan i tedomehen radoidenke. Teil linneb voimuz’ küzuda paginikoil heiden elos da rados, a mugažo jagadas ičetoi mahtištol, sanub ”Vepsän vezad”-sebran ühtnik Maria Košeleva.
Vastuz linneb 27. keväz’kud 13:00, Karjalaižiden, suomalaižiden da vepsläižiden mediakeskuses, Titova, 3-irdal.
Lisää aiheesta
