Karjalan rahvahiden sebruden kodihe kerazihe Vepsän kul’tursebran ühtnikad da sebranikad, miše tehta Vepsän kul’turan voden satusiden ühthevedoid. Azjtegon aigan vepsän kul’tursebran ühtnikad eziniba Vepsän kul’turan voden projektoid, da adivoiden edel tradicijan mödhe ezini Vepsän rahvahan hor.
— Vepsän kul’turan vodes meile ozastui tehta äi tärktoid da melentartuižid azjtegoid. Surembad niišpäi oma Openduzsessii vepsläižiden täht da Kalevalan vepsänkeližen versijan tegemine. Tahtoin sanuda sur’ spasib meiden kul’tursebran ühtnikoile, ked abutiba tehta Vepsän kul’turan voden, sanui Vepsän kul’tursebran pämez’ Larisa Čirkova vastusen aigan.
Vastusel aktivižile Sebran ühtnikoile anttihe kitändkirjeižid da diplomoid. Vepsän kul’tursebran pämest Larisa Čirkovad lahjoitihe Karjalan pämehen korktal znamal ”Panendas Karjalan valdkundan kehitoitusehe”.
Vepsän kul’turan voden akcii mäneb kerdan kümmes vodes 1999. vodespäi.