Venäjän nuoret kanšalaiset šuahah rahua kulttuuritilaisukših
Šyyškuun enšimmäiseštä päiväštä nuoret kanšalaiset voijah šuaha šähkö- tahi muovikortti, kumpasen tilillä on 3000 rupl’ua. Enši vuuvvešta šuunnitellah täyventyä tilie 5000 rupl’alla.
— Kortin omistaja šuau kuluttua rahua musejoissa, teatteriloissa, konserttišaliloissa ta kirjaštoissa, još kultuuritilaisuš on rekisteröity pro.culture.ru -saitilla. Nettišivulla on jo rekisteröity Karjalan kultuurilaitokšien 124 toimenpituo, kerto Karjalan tašavallan kultuurivaraministeri Varvara Lebedeva.
— Kortti toimiu Venäjän kaikilla alovehilla. Raha pitäy kuluttua talvikuun 31. päiväh šuaten, kerto Lebedeva.
Kanšalaini voipi šuaha kortin lähetettämällä anomukšen Gosuslugi-portalin kautti.
Kaikkieh Puškinin kortti -ohjelmah liittyy 1354 kulttuurilaitošta Venäjän 85 alovehelta. Tilaisukšien luvettelo ilmeštyy pro.culture.ru -saitilla ta Gosuslugi. Kulttuuri -šovitukšešša.
